Mario Party 9 lanseringsdato og ny trailer

Gjer deg klar til meir fest i Sopperiket andre dagen i mars.

Nintendo har kunngjort gjennom ei pressemelding at Mario Party blir lansert 2. mars i Europa. Denne gongen kan du nok ein gong spele med opp til 3 andre vener i ulike minispel. Her finns både nytt og gammalt. Du kan spele på 7 nye baner og 80 nye minispel denne gongen. Mario Party 9 har også ein heilt ny modus med heilt nye reglar. Her sit alle i samme bil, og ein byter på å trille terningen. Den ruta ein havner på bestemmer kva type minispel som blir spelt. Her blir det lagt vekt på at det er lurt å gjere taktiske veival for å sette deg sjølv i ein god posisjon.

Ein ny type minispel er Boss Battle, der skal alle 4 slåss mot 1 fiende ifrå sopperiket. Dette kan høyrest ut som eit lagspel, men det er slik at den som gjer mest skade på fienden vil få mest poeng og går seirande ut av minispelet. I dette spelet finn du også noken nye spelbare karakterar som er heilt nye for serien.

Her er ein ny trailer til spelet: